Жорий йилнинг 11 март куни Қашқадарё вилоятига Жанубий Кореянинг “The University of Korea” консорциуми вакили Парк Хюн Жин раҳбарлигида делегация ташриф буюрди.
Ташрифдан кўзланган асосий мақсад вилоятдаги касб-ҳунар мактаблари фаолияти билан яқиндан танишиш, ахборот технологиялари соҳасидаги моддий-техник базаси ҳолатини ўрганишдан иборат бўлди.
Олий таълим, фан ва инновациялар вилоят бошқармаси ходимлари томонидан хорижий ҳамкорларга барча зарур бўлган маълумотлар тақдим этилди ва ҳамкорлар томонидан вилоятнинг касб-ҳунар мактабларини энг замонавий компьютер жиҳозлари билан таъминлаш, ўқитувчиларни Корея Республикасига мақсадли малака ошириш курсларига жўнатишга келишиб олинди.