Бу ҳақда 7 апрель, душанба куни Yonhap ёзди. Президентлик муддатидан олдин сайловлар ўтказиш санаси масаласи 8 апрель, сешанба куни Вазирлар Маҳкамаси мажлисида кўриб чиқилиши режалаштирилган.
Қонунга кўра, Президент вазифасини бажарувчи, Бош вазир Хан Док Су амалдаги давлат раҳбари лавозимидан четлатилганидан кейин 60 кундан кечиктирмай сайлов санасини белгилаши керак.
Эслатиб ўтамиз, 2024 йилнинг 14 декабрида Президентга импичмент эълон қилинган эди. 31 декабрь куни суд уни ҳибсга олиш тўғрисида ордер берди, аммо уни ҳибсга олиш унчалик осон бўлмади.
Юн Сок Ёль 2024 йил 3 декабрда ҳарбий ҳолат жорий этилганидан кейин исён кўтаришда гумон қилиниб, 19 январь куни ҳибсга олинган. У замонавий Жанубий Кореянинг ҳибсга олинган биринчи амалдаги Президенти бўлди.
4 апрель куни Жанубий Корея Конституциявий суди Президентни лавозимидан четлаштириш ҳақида қарор чиқарди, деб хабар беради korrespondent.net.
