Жанубий Кореядаги ўрмон ёнғинлари оқибатида камида 15 киши ҳалок бўлди. Бу ҳақда расмий шахсларга таяниб, Yonhap агентлиги хабар берди.

Уларга кўра, Кёнсан-Пукто вилоятидаги ёнғинда 12 киши, Кёнсан-Намдо вилоятида яна 3 киши ҳалок бўлган.

Аввалроқ тўрт кишининг ҳаётдан кўз юмгани ҳақида хабар берилган эди.

Мамлакат жануби-шарқидаги ўрмон ёнғинлари 21 март куни бошланган. Жанубий Корея ҳукумати учта ҳудуд: Улсан шаҳри, Кёнсан-Пукто ва Кёнсан-Намдо вилоятларида табиий офат ҳолатини эълон қилди. 3 мингдан ортиқ одам эвакуация қилинди. Ёнғин содир бўлган ҳудудларда темир йўл ва автомобиль ҳаракати чекланди. Ёнғин, шунингдек, Коунса қадимий буддистлар ибодатхонаси мажмуасини, миллий даражада маданий мерос объектлари рўйхатига киритилган баъзи биноларни ҳам вайрон қилди, деб хабар беради tass.ru.