Экология, атроф-муҳитни муҳофаза қилиш ва иқлим ўзгариши вазирлиги тасарруфидаги Бухоро ихтисослаштирилган Жайрон питомниги ҳудудига ўрнатилган фотоқопқонга жайронлар муҳрланди.
Бу ҳақда Экология, атроф-муҳитни муҳофаза қилиш ва иқлим ўзгариши вазирлиги хабар берди.
Қайд этилишича, Жайрон питомниги 1977 йилнинг 25 май куни Бухоро вилоятининг Бухоро туманида ташкил этилган.
Питомникда 328 турдаги умуртқали ҳайвонот олами яшайди. Ҳайвонларнинг 57 тури ноёб ҳисобланади. Ҳудудда жайрон, Туркман қулони, Пржевал оти, Бухоро тоғ қўйи ва Бухоро буғуси махсус кўпайтирилади.
Экология, атроф-муҳитни муҳофаза қилиш ва иқлим ўзгариши вазирлигига қарашли "Оқтоғ-Томди" давлат қўриқхонаси ҳудудида ўрнатилган фотоқопқонга чанқоғини қондираётган туркман қорақулоғи муҳрланди.
Экология, атроф-муҳитни муҳофаза қилиш ва иқлим ўзгариши вазирлиги тасарруфидаги “Қизилқум” давлат қўриқхонасида ўрнатилган фотоқопқонга қувноқ Бухоро буғуси (хонгул) ва тўнғиз муҳрланди.
Экология, атроф-муҳитни муҳофаза қилиш ва иқлим ўзгариши вазирлиги тасарруфидаги “Сурхон” давлат қўриқхонасида ўрнатилган фотоқопқонларга болтаютар, морхўр ва какликлар муҳрланди.
