Президент маҳаллийлаштириш масаласида мутасаддилар корхоналар билан яқиндан ҳамкорлик қилиши зарурлигини кўрсатиб ўтди.
Тадбиркорларимизга керакли стандартлар етказилса, импорт бўлаётган маҳсулотларни бемалол ўзимизда чиқариш мумкинлиги кўрсатиб ўтилди. Минглаб иш ўрни ҳам яратилади.
Дарё, сой ва каналларни бетонлаш, кичик ГЭС қуришга ҳам хусусий секторни фаол жалб қилиш муҳимлиги таъкидланди.
Кичик ГЭСлар “саноат ипотекаси” асосида тадбиркорларга берилади. Бу сув бўйларида замонавий савдо ва сервис объектлари ҳам ташкил қилинади. Бу Навоий тажрибаси бўлади.
Сўнгги йилларда мамлакатимизда амалга оширилаётган ислоҳотлар ёш авлоднинг бугуни ҳамда келажаги кафолатланишига, таълим тизимига етарли даражада имкониятлар яратишга қаратилган консептуал ҳаракатлар асосида амалга оширилаётгани диққатга моликдир.
1 ноябрь куни Навбаҳор туманида Навоий вилояти иқтисодиётини ривожлантириш, аҳоли даромадларини кўпайтириш, ижтимоий инфратузилмани яхшилаш масалалари муҳокамаси бўйича йиғилиш ўтказилди.
