Фуқаро Т.М. А.Л. билан бирмунча вақт ишқий муносабатда бўлиб келган эди.

Шундан сўнг, кунларнинг бирида фуқаро А.Л. йигит таниши бўлган Т.М.га ундан фарзанд кутаётганини айтади, лекин Т.М.ни буни эшитишни ҳам хоҳламасди, сабаби уни уйлантириш учун уйдагилари келин қидираётган эди.

Шундан сўнг, А.Л. фарзандли ҳам бўлди ва буни Т.М.га ҳам айтди, у эса, фарзанд ундан эмаслигини билдирди.

Кейин эса, ДНК экспертизаси фарзанд айнан Т.М.дан эканини суд эса, у энди алимент тўлаш кераклигини хулоса қилди.

Жумладан, фуқаролик ишлари бўйича Гулистон туманлараро судининг ижро ҳужжатига асосан қарздор Т.М.дан ундирувчи А.Л.нинг фойдасига вояга етмаган фарзандининг моддий таъминоти учун алимент ундириш белгиланган бўлиб, Бюронинг Янгиер шаҳар бўлими томонидан ижро ҳаракатлари олиб борилган.

Қарздор Т.Мирзаев 2023 йил апрель ойидан буён жами 28,3 млн сўм алимент пулларини тўлашдан бўйин товлаб келганлиги сабабли, унга нисбатан қидирув эълон қилинди.

Шундан сўнг, ўз манзилида пайдо бўлди ва уйланаётганлигини ва буни қудалари билмаслигини айтиб, МИБ ходимларидан озгина вақт беришини сўради.

Лекин берилган муддат ҳам бўлажак “куёв бола” МИБ идорасига келмади.

Шундан сўнг, алимент ундирувчи фуқаро МИБ идорасига келиб, “куёв бола” уйланаётганлигини айтиб, алиментни ундириб беришини талаб қила бошлаган.

МИБ ходимлари 7 февраль куни қарздор алимент тўлаши керак бўлган фуқаро хонадонига борганида, у эса тўй тараддудини кўраётган эди.

Фуқаро бўлажак рафиқаси ва қариндошлари алиментдан хабардор бўлмасин ва асосий маъмурий қамоққа қўлланилиб, тўйи бекор кетишини ўйлаб, 28,3 млн сўм алимент қарзини тўлиқ тўлаб берган.