Жараён 2021 йилда ҳам давом этиб, олти ойда яна 1 миллион 200 минг долларлик маҳсулот экспортга чиқарилди.
Кластер томонидан Ўзбекистон, Фурқат, Риштон, Қўштепа туманлари ҳамда Қувасой шаҳрида ўзаро шартнома асосида бу йил 561 тонна пилла хомашёси етиштирилди.
Ҳозирги кунда корхона тасарруфида 5 та ҳудудда 1 минг 300 гектардан ортиқ тутзорлар бор. Озуқа базасини яхшилаш мақсадида 70-80 фоизи маънан эскирган тутзорлар ўрнида янги тут плантациялари ташкил этилди. Шу мақсадда биргина ўтган йилнинг ўзида Хитойдан 700 минг долларлик тут кўчатлари келтирилди. Ипак қурти уруғи етиштириш тўлиқ маҳаллийлаштирилди ва замонавий лабораториялар фаолияти йўлга қўйилди.
-Пиллачилик кластери томонидан бир мавсумда 13 минг қути ипак қурти боқилиб, 13 мингта мавсумий иш ўрни яратилади. Бундан ташқари, “Устоз-шогирд” анъанаси асосида оила бекаларини касаначилик асосида ишга олганмиз, - дейди корхона раҳбари Мақсуджон Қосимов.
Корхона республикада биринчи бўлиб Хитойга катта миқдорда шойи, сатин, атлас ва адрас каби табиий ипак маҳсулотлари экспорт қилиш бўйича шартнома имзолади. Шу кунларда маҳсулотнинг бир қисмини Хитойга жўнатиш режалаштирилмоқда. Яқин истиқболда корхона раҳбарияти Хитой ва Жанубий Корея бозорида мустаҳкам ўрин эгаллашни мақсад қилган, дея хабар беради вилоят ҳокимлиги матбуот хизмати.
