Cadena Ser интернет сайтининг маълум қилишича,. 33 ёшли аргентиналик футболчи бу ҳақда кеча жамоадаги энг яқин дўстларидан бирига билдирган. Унинг сўзларига кўра, Месси «Барса»нинг ички зиддиятлардан чарчаганлиги, жамоадаги айрим камчиликлар айнан унинг гарданига тушаётганидан норозилик билдирган ҳамда 2021 йилдан жамоада бўлмаслигини, шартнома муддатини узайтирмаслик истагида эканлигини айтган.

Мессининг бу баёнотидан бир мунча муддат аввал эса «Барселона» президенти Хосеп Бартомеу мавсум аввалида 120 млн еврога харид қилинган 29 ёшли француз Антуан Гризманнинг жамоага мослаша олмаганидан норозилик билдирганди. «Барселона» сафида 43 та ўйин ўтказиб, 14 та гол урган Гризманнинг натижаларидан норозилик билдираётган Бартомеу Мессининг қароридан сўнг қандай аҳволга тушиши ҳозирча номаълум.

Ўзининг бутун машҳурлик «шоҳсупаси»ни «Барселона»да ўтказган Мессининг шартнома муддати 2021 йилгача белгиланган бўлиб, жорий йил давомида шартнома узайтирилиши лозим эди.

Бироқ кеча оқшом Мессининг бу қарорга келиши кўпчилик учун кутилмаган «совға» бўлиши шубҳасиз.

Тўлқин РЎЗИЕВ.