Бугунги кундаги мураккаб пандемия шароитига қарамай, “Олмалиқ КМК” АЖ меҳнат жамоаси ишлаб чиқариш жараёнини узлуксиз давом эттириб, юқори кўрсаткичларга эришмоқда. Комбинат меҳнат жамоаси томонидан мис экспорти режаси ортиғи билан бажарилгани эътирофга лойиқ.
2020 йил январь-июль ҳолатига мис маҳсулотлари экспорти режаси 113,7%га бажарилиб, хорижий харидорларга 55405 тонна маҳсулот етказиб берилган.
Комбинат мис катодлари асосан Туркия ва Хитой давлатларига экспорт қилинмоқда.
