Хабарга кўра, 27 март куни соат 10:00 атрофида қирғоқдан бир километр узоқликда “Синдбад” сайёҳлик батискафи билан ҳалокат юз берди. Батискаф худди шу ном билан аталувчи меҳмонхонага тегишли. Бортда экипаждан ташқари 45 нафар сайёҳ, жумладан, вояга етмаганлар ҳам бўлган. Уларнинг барчаси Россия фуқаролари, “Библио Глобус” компаниясининг туристларидир.
Қайд этилишича, кема маржон рифини кузатиш учун мунтазам сув ости экскурсиясини амалга оширган, деб хабар беради ria.ru.
Шу билан бирга, бош консул Виктор Воропаев РИА Новости билан суҳбатда қурбонларнинг фуқаролиги ҳали аниқланаётганини маълум қилди.
Ҳалок бўлганлар сони олти кишига етди, деб хабар берди Мисрнинг Youm7 нашри.
