«Яқин ойлар ичида биз арман драми, ўзбек сўми ва Араб Амирлигининг дирхамининг савдосини йўлга қўймоқчимиз. Бизда бу валюталарга қизиқиш бор ва уларнинг қадри ўсишини тушунамиз. Бир қатор техник ишлар ҳал этилиши билан ушбу валюталар билан ишлашни бошлаймиз», — деди у.
Москва биржасида 20 хил валютанинг сотилиши йўлга қўйилиши арафасида турибди. Лекин бу уларнинг ҳаммаси сотилади дегани эмас. Скабелиннинг сўзларига кўра, ушбу валюталарнинг сотувга қўйилиши учун савдо иштирокчилари ва мижозларнинг уларга аниқ қизиқиши мавжуд бўлиши муҳим. Ана шундагина ҳақиқий барқарор бозор юзага келади. Ундан ташқари пулларнинг биржада айланишини қўллаб туриш учун брокер фирмалар бўлиши керак.
Аввалроқ Москва биржасида норезидентларга Россиянинг қимматли қоғозлари билан савдо қилишга рухсат берилиши ҳақида хабар берилганди, деб хабар беради РИА «Новости».
