Содир бўлган газ отқинини бартараф этиш учун «Ўзбекнефтгаз» АЖ томонидан кечаю-кундуз иш олиб борувчи тезкор Штаб ташкил қилинганди.
"Ўзбекнефтигаз"нинг хабар беришича, Махсус Штаб томонидан газ отқинини бартараф этишга қаратилган тезкор «Йўл харитаси» ишлаб чиқилиб, ишлар босқичма-босқич ҳамкор ташкилотлар кўмагида амалга оширилди.
Бугунги кун ҳолатига кўра, «Йўл харитаси»даги барча ишлар малакали маҳаллий мутахассисларнинг машаққатли ва самарали меҳнати, халқаро тажрибага эга ҳамкор компаниялар вакиллари ҳамда махсус техника воситалари ёрдамида муваффақиятли бажарилиб, қудуқни бошқариш имкони яратилди.
Қайд этиш жоизки, қудуқ турли бахтсиз ходисалар, талофатларсиз жиловланди.
Мураккаб шароитдаги қудуқни ёпиш ишларида кўрсатган ғайрат ва шижоати, оловли майдондаги ўта оғир ва машаққатли меҳнати учун 200 нафар ишчига ташаккурнома ва эсдалик совғалари топширилди.
