Куни кеча эркаклар ўртасида 10 метрга пневматик тўппончадан отиш дастурида иштирок этган Наманган вилояти яккакураш спорт турларига ихтисослаштирилган спорт мактаби тарбияланувчиси Муҳаммад Камолов олтин медални қўлга киритди.

Вилоят спортни ривожлантириш бош бошқармаси ахборот хизмати ёзишича, шоҳсупанинг энг баландига кўтарилган ҳамюртимиз Наманган муҳандислик-қурилиш институти 3-босқич талабасидир. Ёш мерган 2002 йилда Наманган шаҳрида туғилган. У ҳозиргача шу йўналишда кўплаб ютуқларга эришган.