Ижтимоий тармоқларда Самарқанд вилоятидаги боғчада тарбиячи болаларни уриб, уларни ҳақоратлагани ҳақида хабарлар тарқалиб, жамоатчилик муҳокамаларига сабаб бўлди.
Вилояти Мактабгача ва мактаб таълими бошқармаси ахборот хизматининг маълум қилишича, ушбу ҳолат шу йилнинг 14 февраль куни Самарқанд вилоятининг Жомбой туманидаги 25-ДМТТ да содир бўлган.
Маълумотларга кўра, тарбияланувчига қўл кўтарган тарбиячи Г.А нинг иши Жиноят ишлар бўйича Жомбой туман судида кўриб чиқилган ва базавий ҳисоблаш миқдорининг 3 баробари миқдорида жарима қўлланилган.
Шунингдек, у билан тузилган меҳнат шартномаси ходимнинг ташаббуси билан бекор қилинган.
Ижтимоий тармоқларда Тошкент вилоятида жойлашган мактабгача таълим муассасасида тарбиячи тарбияланувчи болаларга нисбатан қўпол муносабатда бўлгани ҳақида хабарлар тарқалиб, жамоатчилик муҳокамасига сабаб бўлди. Ҳолат бўйича вилояти мактабгача ва мактаб таълими бошқармаси муносабат билдирди.
Ижтимоий тармоқларда Тошкент шаҳрининг Юнусобод туманидаги хусусий боғчалардан бирида тарбиячи овқат емаган болани стулга cкотчлаб қўйгани ҳақида хабарлар тарқалди. Ҳолат бўйича расмий муносабат билдирилди.
Ҳолатни ўрганиш мақсадида Тошкент вилояти мактабгача ва мактаб таълими бошқармаси томонидан ишчи гуруҳ тузилиб, ўрганиш ишлари олиб борилди. Ишчи гуруҳ хулосаси билан ҳолатга бевосита масъул бўлган, эътиборсизлик қилган шахсларга нисбатан чора кўрилди.
