Халқаро анъанавий Тасвирий ва амалий санъат фестивали доирасида Ўзбекистон бадиий ижодкорлар уюшмаси Навоий вилояти бўлими, вилоят Маданият бошқармаси ҳамда Навоий давлат педагогика институти ҳамкорлигида «Ўзгача олам» расмлар кўргазмасининг очилиш маросими ўтказилди.
Унда Ўзбекистон бадиий ижодкорлар уюшмаси Навоий вилояти бўлими бошлиғи Сухроб Қодиров ва уюшма аъзоси Наим Қодиров, институт раҳбарияти, факультет профессор-ўқитувчилари ҳамда талабалар иштирок этди.
Жараёнда Навоий шаҳридаги «Санъат галереяси» биносида Ўзбекистон бадиий ижодкорлар уюшмаси аъзоси, факултет ўқитувчиси Шерзод Чориев ва факультет талабалари — Маржона Мустафоева, Дилнура Ғаффорова, Диёра Ҳикматиллоевалар томонидан яратилган санъат асарлари намойиш этилди. Фестивал доирасида либослар кўргазмаси ҳам бўлиб ўтди. Кўргазма 17 майгача давом этади.
