Gazeta Ўзбекистон Ташқи ишлар вазирлигидан Африка қитъасига қизиқиш ортиб бораётгани, шунингдек, икки томонлама ва минтақалараро ҳамкорлик бўйича яқин режалар ҳақида изоҳ беришни сўради.
— Африка давлатлари билан ўрнатилган дипломатик алоқалар сонининг кўпайиши нима билан изоҳланади?
— Тошкентнинг минтақага қизиқиши ортиб бораётгани бир қатор омиллар билан изоҳланади:
- Африка қитъаси бугунги кунда жаҳон иқтисодий ўсишининг асосий марказларидан бири бўлиб, аҳоли сони тез ўсиб бормоқда, бозор кенгаймоқда ва бой табиий ресурсларга эга;
- Ташқи сиёсатнинг жанубий йўналишини ривожлантириш, шериклик алоқаларини диверсификация қилиш ва глобал Жануб билан алоқаларни мустаҳкамлаш муҳимлиги;
- Африка давлатларининг халқаро ишларда, шу жумладан, БМТ, Қўшилмаслик ҳаракати ва бошқа кўп томонлама платформалардаги ролини ошириш;
- Самарали тажриба алмашиш мумкин бўлган барқарор ривожланиш, иқлим ўзгариши, рақамли трансформация ва озиқ-овқат хавфсизлигининг умумий муаммолари.
— Ҳамкорликнинг қайси соҳалари устувор?
— Африка давлатлари билан ҳамкорлик ўзаро ҳурмат, тенглик ва прагматизм тамойиллари асосида қурилган. Тошкент қуйидагиларни устувор йўналишлар деб билади:
- Савдо-иқтисодий ҳамкорлик;
- Қишлоқ хўжалиги кооперацияси;
- Таълим ва фан;
- Тиббиёт ва фармацевтика соҳасида ҳамкорлик;
- Яшил энергия ва иқлим барқарорлиги соҳаларида қўшма лойиҳалар.
— Ташрифларни ташкил этиш борасида иш олиб борилмоқдами?
Ҳа, Ўзбекистон Ташқи ишлар вазирлиги ва бошқа тегишли идоралар ўзаро ташрифларни ташкил этиш устида ишламоқда. Ҳозирда бир қанча таклифномалар ишлаб чиқилмоқда. Айрим мавзулар бўйича қатор музокаралар ўтказиш имконияти кўриб чиқилмоқда.
— Минтақалараро ҳамкорлик форматларини, масалан, C5 + Африка Иттифоқини илгари суриш режалари борми?
— Марказий Осиё ва Африка ўртасида минтақалараро мулоқотни йўлга қўйиш ғояси истиқболли кўринади ва ҳамкорликни кучайтириш мантиғига мос келади. Биз бундай ташаббусларни муҳокама қилишга очиқмиз.
Ўзбекистоннинг янги ташқи сиёсат архитектурасида Африка йўналиши тобора муҳим ўрин тутмоқда. Биз Африка давлатлари билан икки томонлама ва кўп томонлама даражада узоқ муддатли, ўзаро манфаатли ва мувозанатли ҳамкорликни яратишни мақсад қилганмиз.
