Мамлакатимизнинг биринчи рақамли шахматчиси Нодирбек Абдусатторов Бутунжаҳон шахмат Олимпиадасида биринчи доскада ўйнаяпти.
Ёш гроссмейстеримиз дастлабки икки турда рақибларини ортиқча қийинчиликсиз мағлубиятга учратишга муваффақ бўлди.
Бу муваффақият эса унга онлайн рейтингда 5-ўринга кўтарилиб олиш имкониятини берди. Нодирбек FIDE рейтингида 6-поғонадан жой олган. Йигирма ёшгача бўлган шахматчиларнинг дунё рейтингида эса пешқадамлик қилмоқда.
Эртага Ўзбекистоннинг уч шаҳри — Тошкент, Бухоро ва Андижонда Футзал бўйича 2024 йилги ФИФА жаҳон чемпионати бўлиб ўтади. Марказий Осиёда илк бор ўтадиган мазкур турнир 14 сентябрда бошланиб, 6-октабргача давом этиши режалаштирилган.
Келгусида юртимизда параспорт турлари билан бирга ногиронлиги бўлган шахслар шуғулланиши мумкин бўлган спорт турларини ҳам кенг ривожлантиришга алоҳида аҳамият берилиши таъкидланди.
