У электромобиль билан электр велосипеднинг оригинал гибридидир. Уни серияли ишлаб чиқариш жараёнида SAF ва Р3 қўшимча технологияларидан фойдаланиш режалаштирилган. Бу эса ишлаб чиқариш харажатларини сезиларли даражада камайтиради. Электромобиль Stratasys F770-принтерида чоп этилган полимер қисмлардан ясалган корпусга ва қувур шаклидаги алюминий ромга асосланган тўртта ғилдиракка эга.
UILA ўлчами 2,3 х 0,9 х 1,7 метр, оғирлиги эса бор-йўғи 70 килограммни ташкил қилади. Электромобиль бир ҳайдовчи ва бир йўловчига мўлжалланган. Уни ҳайдаш учун ҳайдовчилик гувоҳномаси талаб қилинмайди ва ҳатто велосипед йўллари бўйлаб ҳаракатлана олади. Электромобилнинг максимал тезлиги соатига – 25 километр.
Бир марта тўлиқ қувватланган электромобиль 60-70 километр масофани босиб ўта олади. 20 дюймли тўртта ғилдиракнинг ҳар бирида гидравлик дискли тормозлар мавжуд.
nFrontier компанияси электромобилни 2024 йилда оммавий ишлаб чиқаришни йўлга қўймоқчи. Тахминий нархи – 10 000 евро.
