Қорақалпоғистон Республикаси Экология вазирлиги давлат инспекторлари томонидан экологик жиноятлар ва ҳуқуқбузарликларнинг олдини олиш юзасидан тезкор назорат тадбири ўтказилди.
Ўтказилган назорат тадбирлари давомида Тахиатош тумани ҳудудида жойлашган табиий кўлда 3 нафар фуқаро томонидан ноқонуний равишда тақиқланган усулда балиқ овланаётганлиги аниқланди.
Маълумотларга кўра, қонунбузарлар жами 5 та зоғора, 1 та илонбалиқ, 195 та дўнг пешона, 2 та карас ҳамда 5 та қилич балиқларни ноқонуний тарзда овлаган. Оқибатида табиатга 752 миллион 625 минг сўм зарар етказилган.
Ҳозирда ҳолат юзасидан ҳужжатлар расмийлаштирилиб, терговга қадар текширув ишлари олиб борилмоқда.
Сирдарё вилояти Экология, атроф-муҳитни муҳофаза қилиш ва иқлим ўзгариши бошқармаси инспекторлари томонидан Сардоба тумани ҳудудида ноқонуний балиқ овининг олдини олишга қаратилган рейд тадбирлари ўтказилди.
Экология, атроф-муҳитни муҳофаза қилиш ва иқлим ўзгариши вазирлигининг Айдар-Арнасой кўллар тизимини назорат қилиш бўлими томонидан ноқонуний балиқ овлаш ҳолатларини аниқлаш ва олдини олиш мақсадида навбатдаги назорат рейд тадбирлари ўтказилди.
