Қайд этилишича, ўрганиш давомида Янгийўл туманида яшовчи 1991 йилда фуқаролар Х.С. ҳамда 1994 йилда туғилган А.Г. томонидан жорий йилнинг 15 июнь куни Янгийўл тумани ҳудудидан оқиб ўтувчи “Қорасув“ дарёсидан ноқонуний равишда электр токи ёрдамида кумуш товон балиқларини овлаётгани аниқланди.
Ушбу ҳолат бўйича Вазирлар Маҳкамасининг 2024 йил 9 февралдаги 80-сонли қарорига асосан ҳуқуқбузарлар табиатга 150 млн сўм зарар етказилгани аниқланди.
Ашёвий далил сифатида 1 дона резинали қайиқ, 1дона экран, 1 дона тўк кўпайтиргич,1 дона 4метрли электр сими, 2 дона аккумулятор, 1 дона эшкаклар вақтинча сақлаш учун Тошкент вилояти Экология бошқармаси омборхонасига жойлаштирилди.
Шу билан бирга мазкур ҳолатга қонуний баҳо бериш учун Тошкент вилояти Прокуратурасига юборилади.
