Унга мувофиқ, хўжалик юритувчи субъектларга уларнинг ташкилий-ҳуқуқий шаклидан қатъи назар, ўзлари импорт қилган ўсимлик ёғлари ҳамда мойли экинлар (пахта, кунгабоқар ва соя) уруғларини қайта ишлашдан олинган ўсимлик ёғларини белгиланган миқдорларда экспорт қилишга рухсат берилади.
Кунгабоқар ва пахта ёғи (ТИФ TH коди 1512) ҳамда аралаш ёғлардан (ТИФ TH коди 1517 90 910 0) ташқари бошқа ўсимлик ва мева уруғлари ёғларини Ўзбекистон Республикаси божхона ҳудудидан ташқарига олиб чиқиш (экспорт қилиш) бўйича чекловлар бекор қилинади.
Мазкур қарорга асосан экспорт қилиниши мумкин бўлган ўсимлик ёғи ҳажмини аниқлашда хўжалик юритувчи субъектлар томонидан 2024 йил 1 январдан бошлаб импорт қилинган мойли экинлар уруғлари ва ўсимлик ёғлари ҳажмлари инобатга олинади.
