Шу кунларда пойтахтимиз дзюдо бўйича ўсмирлар ва ёшлар ўртасидаги Осиё кубогига мезбонлик қилмоқда.
Қайд этилишича, 8 та мамлакатдан ташриф буюрган мусобақада ўсмирлар ўртасидаги беллашувлар ниҳоясига етди.
Баҳслар якунига кўра Ўзбекистон терма жамоаси аъзолари 10 та олтин, 10 та кумуш ва 18 та бронза медалларини жамғариб, умумжамоа ҳисобида биринчи бўлди.
Венгрия пойтахти Будапешт шаҳрида 93 та мамлакатнинг 550 нафардан зиёд дзюдочилари иштирокида ўтаётган жаҳон чемпионатининг ортда қолган учинчи кунида терма жамоамиз аъзоси Шукуржон Аминова ўз вазн тоифасида дунёнинг 5 нафар энг кучли дзюдочиларидан бири номига мушарраф бўлди.
