Будапештда давом этаётган жаҳон чемпионати доирасида Халқаро дзюдо федерацияси (IJF) Атлетлар комиссияси аъзолиги учун сайлов ҳам ўтказилмоқда.
Ўзбекистон дзюдо федерацияси маълумотига кўра, овоз бериш жараёни бошланган бўлиб, сайловда акредитациядан ўтган спортчиларгина овоз бериш ҳуқуқига эга бўлади.
Эътиборлиси, номзодлар орасида “Париж-2024” ёзги Олимпия ўйинлари ғолиби Диёра Келдиёрова ҳам бор. Овоз бериш жараёнида унга Даря Билодид (Украина), Рёносуке Ҳага (Япония), Натан Кас (Австралия) ва Кейтлин Куадрос (Бразилия) рақиблик қилади.
Венгрия пойтахти Будапешт шаҳрида 93 та мамлакатнинг 550 нафардан зиёд дзюдочилари иштирокида ўтаётган жаҳон чемпионатининг ортда қолган учинчи кунида терма жамоамиз аъзоси Шукуржон Аминова ўз вазн тоифасида дунёнинг 5 нафар энг кучли дзюдочиларидан бири номига мушарраф бўлди.
