Дзюдо бўйича Астана шаҳрида старт олган “Катта дубулға“ турнирининг илк кунида Ўзбекистон терма жамоаси 1 та бронза медалини қўлга киритди.
Қайд этилишича, мазкур медалга -66 кг вазн тоифасида курашган Муҳриддин Тиловов муаллифлик қилди.
Чорак финалда нейтрал мақомда курашган Рамазон Абдуллаевга имкониятни бой берган Тиловов ўтиш босқичида мезбон Бауржан Нарбаевдан, учинчи ўрин учун баҳсда эса хитойлик Зиянг Сюедан устун келди.
Венгрия пойтахти Будапешт шаҳрида 93 та мамлакатнинг 550 нафардан зиёд дзюдочилари иштирокида ўтаётган жаҳон чемпионатининг ортда қолган учинчи кунида терма жамоамиз аъзоси Шукуржон Аминова ўз вазн тоифасида дунёнинг 5 нафар энг кучли дзюдочиларидан бири номига мушарраф бўлди.
