Венгриянинг Будапешт шаҳрида ўтган дзюдо бўйича жаҳон чемпионати доирасида Халқаро дзюдо федерацияси (IJF) Атлетлар комиссияси учун сайлов ўтказилди.
Унда жаҳоннинг турли қитъаларидан 20 нафар номзод иштирок этди.
Сайлов натижасига кўра, Диёра Келдиёрова 2025–2029 йиллар давомида комиссия аъзоси этиб сайланди.
Диёра Келдиёрова Париж-2024 Олимпиадасида мамлакатимиз тарихидаги илк дзюдо бўйича олтин медални қўлга киритган бўлса, энди у IJFнинг муҳим органларидан бири — Атлетлар комиссиясида ҳам Ўзбекистон номидан фаолият олиб боради.
Венгрия пойтахти Будапешт шаҳрида 93 та мамлакатнинг 550 нафардан зиёд дзюдочилари иштирокида ўтаётган жаҳон чемпионатининг ортда қолган учинчи кунида терма жамоамиз аъзоси Шукуржон Аминова ўз вазн тоифасида дунёнинг 5 нафар энг кучли дзюдочиларидан бири номига мушарраф бўлди.
