Айни пайтда мамлакатимиз олий таълим муассасаларига кириш имтиҳонлари қизғин давом этяпти. Ҳар йилгидек абитуриентларга қулай шароит яратилмоқда. Уларга ҳамроҳлик қилиб келган ота-оналари ва яқинлари ҳам эътибордан четда қолгани йўқ. Улар учун ҳам махсус кутиш жойлари ташкил этиляпти.
Жумладан, Ислом Каримов номидаги Тошкент давлат техника университети Олмалиқ филиали талабалари томонидан Ўзэкспомарказ миллий кўргазмалар мажмуасида имтиҳон топшираётган абитуриентлар ота-оналарининг кайфиятини кўтариш мақсадида турли кўнгилочар тадбирлар ташкил этилди.
Шу билан бирга, ота-оналарнинг имтиҳон жараёни ҳақидаги фикр-мулоҳазалари ўрганилди. Викторина ўйинлари ташкил этилиб, фаол иштирокчиларга эсдалик совғалар топширилди.
Жаҳон банки ижрочи директорлар кенгаши Ўзбекистон учун 250 миллион доллар миқдоридаги кредитни тасдиқлади. Мазкур маблағлар “EduImkon” дастурини амалга ошириш учун йўналтирилади.
Шу йил 15 май куни мактаб таълимида амалга оширилган ислоҳотлар ва келгусидаги асосий вазифаларга бағишланган видеоселектор йиғилишида Президентимиз ёшларни касб-ҳунарга ўргатиш, тўғри тарбиялаш, зарарли таъсирлардан асраш ҳам долзарб масалалардан эканини таъкидлади.
Австралиянинг "Micromine Australia Pty Ltd" компанияси ва НИТУ "МИСИС"нинг Олмалиқ шаҳридаги филиали ўртасида кон-металлургия соҳасида юқори малакали кадрлар тайёрлаш ва инновацион ечимларни ишлаб чиқиш соҳасида ҳамкорлик тўғрисида йирик шартнома имзоланди.
