2024 йилда Франциядан Ўзбекистонга келган туристлар сони 2023 йил билан солиштирилганда 4 742 нафарга ошган.
Статистика агентлиги дастлабки маълумотларига кўра, 2024 йил давомида Франциядан Ўзбекистонга 23 390 нафар туристлар ташриф буюрган.
2024 йилда Франциядан Ўзбекистонга келган туристларнинг асосий сафар мақсадлари:
— саёҳат – 20 948 нафар
— қариндошларни йўқлаш – 1 186 нафар
— хизмат юзасидан – 1 131 нафар
— тижорат – 67 нафар
— ўқиш – 58 нафар
RTL радиосининг хабар беришича, Франция ҳуқуқни муҳофаза қилиш органлари ўғриликда гумонланган яна беш нафар шахсни оммавий ҳибсга олиш пайтида Лувр музейидан ўғирланган қимматбаҳо буюмларни топа олмади.
Полиция 19 октябрь куни Лувр музейидан экспонатларни ўғирлашда гумон қилинган икки кишини ҳибсга олди. Ўғрилар Наполеон ва Жозефинага тегишли тахминан 90 миллион евролик заргарлик буюмларини ўғирлашган.
Париж прокурори Лор Беко 21 октябрь куни RTL телеканалида музей директорининг тахминига таяниб, ўғрилар Луврдан 88 миллион евролик заргарлик буюмларини ўғирлаб кетишганини маълум қилди.
