Узоқ давом этган пандемиядан сўнг ушбу комедияга томошабинлар иштиёқ билан келиши, завқ олиши ва ҳордиқ чиқариши, асар озарларнинг ҳам севимли спектаклига айланиши мутахассислар томонидан эътироф этилмоқда.

Озарбайжон Республикаси маданият вазирлиги ва Озарбайжон давлат драма театри берган маълумотларга кўра, мазкур пьеса ҳар икки давлатнинг мустақиллик йиллари тарихида Озарбайжон саҳнасига олиб чиқилган илк ўзбек асаридир. Уни театрнинг бош режиссёри Сарвар Алиев саҳналаштирган. Шеърлар муаллифи – Расмия Собир.