Европа Иттифоқи талабига мувофиқ, “ГСП+” имтиёзларини олиш учун тегишли мамлакат 27 та халқаро конференцияни ратификация қилиши ва самарали амалга ошириш керак. Улардан 16 таси инсон ҳуқуқлари ва асосий меҳнат стандартлари, 11 таси эса атроф-муҳитни муҳофаза қилиш ва оқилона бошқарув соҳаларидадир.Айни пайтда Ўзбекистонда юқоридаги шартларни бажариш бўйича ишлар якунига етказилди.
Республиканинг “ГСП+” нинг фойда олувчи давлатлари рўйхатига киритилиши Европа Иттифоқига экспорт ҳажмларини сезиларли даражада ошириш ва маҳаллий товарларнинг Европа бозорида рақобатбардошлигини ошириш имкониятини беради.
Ҳозирги вақтда Ўзбекистонда асосий умумий имтиёзлар тизимидан (ГСП) фойдаланилмоқда. Унга кўра республика 3000 га яқин маҳсулотни Европа Иттифоқи мамлакатларига божхона тўловлари ва 3200 та маҳсулотни чегирмадан экспорт қилиши мумкин.
Агар Ўзбекистон “ГСП+” дастури доирасида бир томонлама тариф имтиёзларини оладиган бўлса, ўзбекистонлик ишлаб чиқарувчилар Европа Иттифоқи давлатларига божсиз экспорт қилинадиган товарлар сони 6200 тага кўпаяди.
