Форумда Springer Nature компаниясининг Ўзбекистон, Озарбайжон, Қозоғистон, Тожикистон ва Туркманистондаги вакили Ирина Александрова, МДҲ мамлакат илмий журналлар бўйича вице-президенти Александр Бирюков иштирок этди.
Форум давомида Springer Nature илмий маълумотлар базасининг имкониятлари, шунингдек, платформадан фойдаланаётган университетлар ва илмий-тадқиқот институти тадқиқотчиларининг статистик маълумотларига эътибор қаратилди. Шу билан бирга, 2022 йил ноябрига қадар link.springer.com платформасида энг кўп мақоллар чоп этган ўзбекистонлик олимлар ҳамда энг фаол университетлар эътироф этилди.
Жумладан, нуфузли илмий журналларда энг кўп мақола чоп этган Топ-5 ўзбек олимлари аниқланди. Булар — Ўзбекистон Фанлар академияси президенти, академик Бехзод Юлдашев, С.Ю.Юнусов номидаги Ўсимлик моддалари кимёси институти катта илмий ходими, кимё фанлари доктори, академик Хайрулла Бобакулов, Ўзбекистон Республикаси энергетика вазирлиги ҳузуридаги Қайта тикланувчи энергия манбалари миллий илмий-тадқиқот институти бош илмий ходими, Техника фанлари доктори Нилуфар Авезова, В. А. Романовский номидаги Математика институти профессори Равшан Ашуров, ERGO Analytics директори, Тошкент давлат иқтисодиёт университети ва AKFA университети профессори Рауфхон Салаходжаевдир.
Шунингдек, Республика ихтисослаштирилган кўз микрохирургия маркази, Мирзо Улуғбек номидаги Астрономия институти, Мирзо Улуғбек номидаги Миллий университет, Урганч давлат университети, Самарқанд давлат университети, Тошкент педиатрия тиббиёт институти, О.С.Содиқов номидаги Биоорганик кимё институти, Наманган давлат университети ва Ю. Юнусов номидаги Ўсимлик моддалари кимёси институтлари Топ-10 таликда энг фаол ташкилотлар сифатида эътироф этилди.
