Ҳафталик Ўзбекистонни ахборот технологиялари соҳасидаги минтақавий марказ – IТ-хабга айлантириш, мамлакат IТ хизматлари экспортини ошириш, тажриба алмашиш учун платформа яратиш ва замонавий технологиялар ва инновацияларнинг сўнгги ютуқлари ҳамда IТ бозорининг хорижий инвесторлар учун жозибадорлигини намойиш этиш мақсадида 20 йилдан бери ўтказиб келинмоқда.
Мазкур тадбирга бағишланган матбуот анжуманида жорий йилдаги ҳафталик стартаплар, аутсоурcинг ва инвестиция учун энг йирик майдон, венчур дастурлар, BPO, электрон тижорат, сунъий интеллект, IТ ечим провайдерлари, рақамлаштириш ва давлат хизматлари, IТ инвестиция имкониятлари, давлат-хусусий шериклик, IТ таълим, АКТ соҳасида бизнес ҳамкорликни мустаҳкамлаш каби мавзуларда 20 га яқин йирик форум ва саммитларни ўз ичига олиши айтиб ўтилди.
ICT EXPO кўргазмаси — йирик хорижий ва экспортга йўналтирилган маҳаллий IТ-компаниялар, FinTech, ўйин ва робототехника саноати, телекоммуникация соҳаси вакиллари, таълим компаниялари, электроника, дастурий таъминот ва техник хизматлар ҳамда бошқа кўплаб компаниялар билан мулоқот учун имконият яратади.
B2B, B2C, B2G, G2C форматида ўтадиган ҳафталикда Япония, Корея, Хитой, Қатар, Латвия каби давлатларнинг миллий павильонлари жой олади ва уларнинг TOP IT компаниялари қатнашади.
Ҳафталик доирасида:
“ICTWEEK UZBEKISTAN - 2024” ҳафталигининг расмий очилиш маросими 17-сентябр куни CAEx мажмуасида бошланади. Унда расмий вазирлик ва идора, хорижий ташкилот вакиллари, тадбир ҳамкорлари Invest Qatar, DataWolt, UZUM, ZTE, Huawei, IT Park вакиллари иштирок этиб, турли мавзуларда чиқишлар қилади.
“Shared Services & Offshore Outsourcing” конференциясида Ўзбекистонда хорижий компаниялар учун имкониятлар ва шарт-шароитлар тақдимоти, имтиёзлар, кўп тилли ишчи кучи, бизнесни қўллаб-қувватлаш дастурлари, мамлакатда муваффақиятли фаолият юритаётган компанияларнинг тажрибалари билан танишиш имконияти бўлади.
“IТ соҳасида аёллар: имкониятлар ва муаммолар” конференциясида IТ соҳасида муваффақиятли карьера қуришга интилаётган аёлларни илҳомлантириш ва қўллаб-қувватлаш, шунингдек, тўсиқларни бартараф этиш ва мукаммалликка эришиш стратегияларини муҳокама қилиб тўғри йўл кўрсатиш кўзда тутилган.
“Startup pitch” танлови бўлиб ўтади.
Рақамли ҳукумат: муаммолар ва истиқболли режалар;
Латвия-Ўзбекистон форуми — АКТ сиёсати ва рақамли ҳукумат, давлат ва хусусий секторда 5G роли, рақамли кўникмалар ва таълим, сунъий интеллект каби мавзуларни ўз ичига олади;
“Startup & Venture” саммити — венчур молиялаштириш, аутсорсинг ва сунъий интеллект бўйича форумлар, инвесторлар билан учрашувлар, стартапингизни намойиш этиш имконияти, етакчи мутахассисларнинг қимматли тажрибаси билан танишиш имкониятларини ўз ичига олади.
Корея-Ўзбекистон IТ ҳамкорлик форуми — икки мамлакат IТ-компанияларининг тақдимотлари, B2B-учрашувлар ва нетворкингни ўз ичига олган;
“She Loves Tech” tanlovi танлови;
Сунъий интеллект форуми – AIни ривожлантиришдаги минтақавий саъй-ҳаракатлар, AI даврида юқори даражада ҳисоблаш, Жамият манфаати учун AI мавзуларида сессиялар кўзда тутилмоқда.
“IТ таълим ва фрилансинг Форуми” – карьерангизни янги босқичга олиб чиқишга ёрдам берадиган аспектлар ва IТ соҳасидаги энг сўнги таълим тенденциялари билан танишиш имконияти, хорижда IТ соҳасида муваффақиятга эришган ватандошлар ва хорижий меҳмонлардан IТ таълимга оид чиқишлар.
“GameDev” куни – IТ яя Park Узбекистан ва “East Games” ўтказаётган ушбу тадбирда сизни дунё бўйлаб соҳанинг етакчи мутахассисларидан қизиқарли маърузалар, ажойиб студиялар, ижодкор стартаплар ва инвесторлар билан алоқа ўрнатиш имконияти, энг фаол иштирокчилар учун қимматли совғалар кутмоқда.
“CAEx (Central Asian Expo Uzbekistan)” ) мажмуасининг жами 10 минг кв.м (ўтган йилгидан 2 баробар кўп) майдонда ташкил этилаётган “ICT Expo - 2024” кўргазмасида жами 200 дан зиёд хорижий ва маҳаллий IТ компаниялар иштирок этиши кутилмоқда.
Шунингдек, 100 дан ортиқ йирик хорижий компаниялар: Data Volt, Venkom, HP, Yandex, Uzum, Lenovo, Nokia, Dell, CompTIA, Startup Qatar, ZTE, Huawei va IT Park резидентлари ҳамда ахборот технологиялари соҳасидаги маҳаллий йирик компанияларнинг янги инновацион дастурий маҳсулотларининг тақдимотлари бўлиб ўтади.
