Ташқи ишлар вазирлиги матбуот котиби Аҳрор Бурхоновнинг «Известия» нашрига берган маълумотига кўра, мазкур масала бўйича музокаралар давом этмоқда:
«Бу масала бўйича музокаралар давом этмоқда ва зарурий ички давлат тартиб-таомиллари ўтказилмоқда. Ҳозирда томонлар айрим жиҳатлар бўйича келишув ишларини олиб бормоқда. Шу боис буни амалга оширишнинг аниқ муддатлари ҳақида гапиришга ҳали эрта», — деди ТИВ расмийси «Известия» нашрига.
Эслатиб ўтамиз, 2025 йил май ойида Ўзбекистон Россия, Қозоғистон ва Озарбайжон фуқароларининг мамлакатга 30 кунгача бўлган муддатга ички паспорт ёки ID-карта орқали кириши мумкинлиги, болалар учун эса «киндер паспорт»дан фойдаланиш имконияти кўриб чиқилаётгани хабар қилинганди.
