Имзоланган келишувга биноан, Токио-2020 Олимпия ўйинлари якунида спортчилар, мураббийлар ва бошқарув ходимларидан иборат Ўзбекистон Замонавий бешкураш федерациясининг расмий делегацияси 3 кун давомида Хидако шаҳрига боради ва турли спорт ва маданий тадбирларда иштирок этади.
Ушбу алмашинув дастури бўйича барча харажатлар мезбон, яъни Хидака мэрияси томонидан қопланади.
“Бизнинг Хидака шаҳри билан музокараларимиз 2019 йилнинг декабрь ойида бошланган эди. Пандемия тўсатдан бошлангани сабабли музокараларимиз тўхтаб қолганди. Бахтимизга Япония Вазирлар Маҳкамасининг Токио-2020 ўтказилишига масъул вакиллари бир неча ой олдин бошланган музокараларни давом эттириш ташаббуси билан чиқишди.
Бугун биз ҳар икки томоннинг саъй-ҳаракатлари билан Токио-2020 алмашинув дастури тўғрисидаги Битимни имзолаганимизни мамнуният билан эълон қиламиз. Бу йил Токио Олимпиадаси пайтида қатъий карантин чекловлари қўйилган ҳолда Япония урф-одатлари ва маданиятига бағишланган Алмашиш дастури айниқса долзарбдир”, - деди Ўзбекистон Замонавий бешкураш федерацияси раиси Баҳромжон Газиев.
Жисмоний тарбия ва спорт вазирлиги
Матбуот хизмати