2024 йил 13-14 октябрь кунлари Хива шаҳрида Ичан-Қалъа мажмуасида “Мусаффо осмон” шиори остида I Халқаро ҳаво шарлар фестивали бўлиб ўтди. Туризм қўмитаси томонидан ташкил этилган тадбир маҳаллий аҳоли ва хорижий меҳмонларда катта қизиқиш уйғотди.
Фестивалда иштирок этган германиялик учувчи аёл Элли Данингтон Хива узра парвоз қилиб, ўзининг дунё рекордини янгилади. Ўзбекистон Элли Данингтон парвоз қилган 118 давлат бўлди.
Ичан-Қалъа мажмуасидан Хива осмонига Бразилия, Германия, Қозоғистон ва Россиядан келган аэронавт спортчилар ҳам кўтарилди.
Ўзбекистон ҳукумати мамлакатда аёллар учун янги имкониятлар яратишни мақсад қилмоқда. Шу муносабат билан Элли Данингтон аёл-учувчилар учун мактаб очишни режалаштирмоқда, бу эса учишга йўл очади. Фестиваль аэронавтика соҳасини алоҳида туризм ва дам олиш йўналиши сифатида ривожлантиришга янги туртки бериши, шунингдек, сайёҳлар учун хизматларни хилма-хил қилишга ёрдам бериши кутилмоқда.
Фестиваль меҳмонлари Ўзбекистоннинг меҳмондўстлигидан ҳайратда қолишди, бу эса ҳар жойда намоён бўлди. Улар маҳаллий аҳоли томонидан кўрсатилган самимий меҳмондўстлик ва меҳрибон муносабатларнинг қулайлик ва шинамлик муҳитини яратганини таъкидлади. Иштирокчилар нафақат анъанавий меҳмондўстликдан, балки Ўзбекистонни ўзига хос маданий урф-одатларнинг хилма-хиллигидан ҳам ҳайратда қолди.
Келгуси йилда “Мусаффо осмон” фестиваллари сериясини ўтказиш режалаштирилган бўлиб, бу тадбирлар Ўзбекистоннинг меҳмондўстлигини ёрқин намунасини кўрсатади. Ушбу тадбирлар мамлакатнинг ноёб маданияти ва анъаналарини намойиш этиш, шунингдек, аэронавтлар ва ҳаво шарларига қизиқувчилар ўртасида халқаро мулоқот ва тажриба алмашиш учун платформа яратади.
