Ўзбекистон автомобил бозорининг 2024 йил сентябрь ойидаги ҳолатини таҳлили натижалари эълон қилинди.
Сентябрь ойида Ўзбекистонда автотранспорт воситаларининг умумий савдоси 110,1 минг донани ташкил этди, бу ўтган ойга нисбатан 1,1 фоизга кам. Фаолликнинг сезиларли пасайиши йиллик ҳисобда 25,5 фоиз кузатилмоқда.
Сентябрь ойида енгил автомобиллар савдоси 0,3 фоизга бир оз пасайди ва 101,6 минг донани ташкил этди.
Ўтган йилга нисбатан сезиларли пасайиш кузатилмоқда: енгил автомобиллар савдоси 25,5 фоизга камайди.
Ҳудудлар бўйича енгил автомобиллар савдоси шуни кўрсатадики, сентябрь ойида энг катта пасайиш Андижон – 9,1 фоиз, Қашқадарё – 7,9 фоиз ва Тошкент – 7,7 фоиз вилоятларида қайд этилган.
Жорий йилнинг III чорагида автомобиллар савдоси 295,6 мингтани ташкил этди, шу даврга нисбатан йиллик пасайиш 26,8 фоизни ташкил этди.
Бирламчи автомобил бозоридаги вазият
Енгил автомобиллар бирламчи бозорида сотувлар ўтган ойга нисбатан 10,3 фоизга ошди, бу аввалги ойга нисбатан қарийб 3,8 мингта автомобилни ташкил этади. Йиллик кўрсаткичларда фаоллик барқарорлашмоқда, август ойида савдонинг пасайиши 1фоиз даражасида бўлса, сентябр ойида 7,7 фоиз ўсиш кузатилди.
Маҳаллий ишлаб чиқарилган янги автомобиллар савдоси ўсишда давом этмоқда. Сентябрь ойида сотувлар 10,8фоизга ўсиб, 37,6 мингта автомобилни ташкил этди. Йиллик ҳисобда ўсиш 12фоиз ни ташкил етди.
Хорижий енгил автомобиллари сегменти ўсиб бормоқда
Ўзбекистонда хорижий енгил автомобиллар бозори ўсишда давом этди. Август ойида ушбу сегментдаги савдо 25,6фоизга ошган бўлса-да, сентябрь ойида ўсиш 4,5фоизга секинлашди ва 3,3 минг донани ташкил этди.
Енгил автомобилларнинг иккиламчи бозори
Енгил автомобилларнинг иккиламчи бозоридаги вазият сотувлар ўсишининг секинлашишини кўрсатди ва сотиш ҳажмининг йиллик пасайиши тенденциясини сақлаб қолди. Хусусан, сентябр ойида автомобиллар иккиламчи бозоридаги фаоллик ўтган ойга нисбатан 6,3фоизга камайди. Ҳисобот даврида ушбу сегментда 60,5 мингта автомобил сотилган. Умуман олганда, йил давомида сотувлар 38,4фоизга камайди.
Электромобиллар бозоридаги вазият
Енгил электромобиллар воситалари сегменти фаолликнинг ошишини кўрсатади. Сотиш ҳажми рекорд даражада 2,4 баравар ошди, бу бутун кузатув давридаги энг катта ўсишдир. Сентябрь ойида 4,24 мингта электромобиллар сотилган, август ойида эса 1,7 минг дона сотилган.
Ҳудудлар бўйича савдоларнинг энг катта ўсиши Тошкент шаҳрида – 3180 дона, Тошкент – 285 дона ва Андижон вилоятларида – 119 дона қайд этилди.
Йиллик ўлчовда электр транспорт воситаларининг савдоси деярли 17фоизга ошди.
Шу йилнинг III чорагида енгил электр транспорт воситаларини сотиш 9,3 мингтани ташкил этди ва ўтган йилнинг шу даврига нисбатан 5,6фоизга камайди.
