Шу пайтгача терма жамоа бош мураббийи сифатида фаолият олиб борган мутахассис Павел Хан Ўзбекистон таэквондо WТ ассоциацияси раисининг ўринбосари лавозимига тайинланди. Бу ҳақида ассоциация матбуот хизмати маълум қилди.
Маълум қилинишича, Павел Хан эндиликда ассоциациянинг спорт йўналишида фаолият юритади.
Мутахассис барча ёшдаги терма жамоаларимизнинг халқаро мусобақалардаги иштироки ҳамда юртимизда таэквондони ривожлантиришда масъул ҳисобланади.
П.Хан бир вақтнинг ўзида терма жамоа бош мураббийлигидаги вазифасини ҳам давом эттиради.
Жорий йил 1-3 июнь кунлари Корея Республикасининг Мунгёнг шаҳрида таэквондо WТ бўйича харбийлар ўртасида 27-Жаҳон чемпионати ўтказилди. Турнирда 20 дан ортиқ мамлакатдан ташриф буюрган 300 спортчи ғолиблик учун кураш олиб борди.
