Бутунжаҳон таэквондо федерацияси (WT) Париж-2024 ёзги Олимпия ўйинлари учун йўлланмалар тақсимотини қайта шакллантирди.
Эътиборлиси, Ўзбекистон терма жамоаси аъзоси Никита Рафалович +80 кг вазн тоифасида Олимпиада иштирокчилари қаторидан жой олди.
Эслатиб ўтамиз, Рафалович 2023 йил якунида эълон қилинган Олимпиада рейтингида олтинчи ўринда қайд этилган эди.
Шу тариқа, таэквондо WT бўйича Ўзбекистон терма жамоаси бўлажак Олимпия ўйинларида ўз тарихида илк бор 3 нафар эркак ва 2 нафар аёл спортчи билан қатнашадиган бўлди.
Ёшлар ойлиги доирасида жаҳон футболи афсоналари Ўзбекистонга ташриф буюрди. Бразилия ва Италиянинг яқин ўтмишдаги юлдузлари Дида, Сержинио, Кристиан Пануччи ва Кристиан Заккардо каби футболчилар Ўзбекистон футбол ассоциациясида меҳмон бўлди.
Руминия пойтахти Бухарест шаҳрида шахмат бўйича давом этаётган "Superbet Chess Classic Romania" турнирининг ортда қолган 3-турида ҳамюртимиз Нодирбек Абдусатторов мусобақада 2 очко билан етакчилик қилаётган америкалик Фабиано Кариану билан муроса йўлини танлади.
