Покистон Ислом Республикаси Бош вазири Шаҳбоз Шарифнинг Ўзбекистонга ташрифи ниҳоясига етди.
Тошкент шаҳри халқаро аэропортида олий мартабали меҳмонни Ўзбекистон Республикаси Бош вазири Абдулла Арипов ва бошқа расмийлар кузатиб қўйди.
Эслатиб ўтамиз, олий даражадаги музокараларда Ўзбекистон-Покистон стратегик шериклик ва кўп қиррали ҳамкорлик муносабатларини янада ривожлантириш ҳамда кенгайтириш масалалари ўрин олди.
26 февраль куни Тошкент шаҳридаги Халқаро конгресс марказида мамлакатимизга расмий ташриф билан келган Покистон Ислом Республикаси Бош вазири Шаҳбоз Шарифни расмий кутиб олишга бағишланган тантанали маросим бўлиб ўтди.
Саудия Арабистони Подшоҳлиги Ҳаж ва Умра вазири доктор Тавфиқ бин Фавзон Ар-Рабиъа Ўзбекистонга келди. Икки кун давом этадиган расмий ташрифдан кўзланган мақсад Раҳмон меҳмонларига, жумладан ўзбек умрачиларига энг юқори даражада хизмат кўрсатиш бўйича ҳамкорликни мустаҳкамлаш ва мавжуд тизимни такомиллаштириш масалаларини муҳокама қилишдир.
