Покистон компаниялари Ўзбекистондан чарм маҳсулотлари харид қилади

    Бизнес 19 март 2024 250

    «Ўзчармсаноат» уюшмаси раиси вазифасини бажарувчи Ф.Нурмухамедов Покистон Ислом Республикасининг «Leading edge alliance» компанияси раҳбари, Ўзбекистоннинг Покистондаги бош консуллиги фахрий консули Нажееб Муштақ Воҳра бошчилигидаги делегация билан учрашув ўтказди.

    Мазкур мулоқот мамлакатимизнинг Покистондаги элчихонаси ташаббуси ва амалий кўмагида ташкил этилди. Учрашувда маҳаллий чарм корхоналари томонидан ишлаб чиқарилган чарм маҳсулотларини Покистонга экспорт қилиш масаласи бўлди.

    Дастлаб, Покистон томонига мамлакатимиз чарм саноатида сўнги йилларда эришилган ютуқлар, ишлаб чиқариш, инвестиция, экспорт кўрсаткичлар хусусида маълумотлар тақдим этилди.

    «Leading edge alliance» компанияси ўз навбатида бугунги кунда Ўзбекистон чарм саноатидаги ютуқларни алоҳида эътироф этиб, Покистоннинг қатор компаниялари мамлакатимиз билан ҳамкорлик қилишга тайёр эканлигини билдирди. Учрашувда чарм маҳсулотларини харид қилиш бўйича ташаббуслар билдирилди.

    Ўзбекистон томони хорижий ҳамкорларга чарм маҳсулотларини ишлаб чиқарувчилар тўғрисида маълумот берди. Ишлаб чиқариш жараёнлари, сифат кўрсаткичлари ва стандартлар ҳақида фикр алмашилди. Покистон компанияси томонига намуналар етказиб бериладиган бўлди. Лаборатория синовлари якунига етгач, маҳаллий корхоналаримиз билан экспорт шартномалари имзоланиши кутиляпти, деб хабар беради «Ўзчармсаноат» уюшмаси матбуот хизмати.

    No date selected
    апрел, 2024
    1
    2
    3
    4
    5
    6
    7
    8
    9
    10
    11
    12
    13
    14
    15
    16
    17
    18
    19
    20
    21
    22
    23
    24
    25
    26
    27
    28
    29
    30
    Use cursor keys to navigate calendar dates