“Жангарилар постларида ёнғин келиб чиқди ва толибонлар кўплаб қурбонларни қолдириб, орқага чекинди”, дейилади хабарда.
Аввалги оқшом Афғонистоннинг Tolo News портали Хост вилоятининг Зазай-Майдон тумани яқинида Афғонистон ва Покистон ҳарбийлари ўртасида отишма юз бергани ҳақида хабар берган эди.
Сешанба куни эрталаб Қандаҳор вилоятининг Шорабоқ тумани яқинида икки давлат чегарачилари ўртасида отишма содир бўлди. Чегарадаги можаро ўтган ҳафта Афғонистон ҳукумати Покистонни Афғонистон ҳаво ҳудудини бузганликда ва Афғонистон ҳудудига ҳаво ҳужумлари уюштирганликда айблаганидан кейин бошланганди, деб хабар берди ria.ru.
