Учрашувда элчи томонидан республикамизда Президентимиз томонидан олиб борилаётган ислоҳотлар эътироф этилди. Шунингдек, Қарши шаҳридаги «Америка бурчаги» фаолият кўрсатаётганлиги, вилоятда АҚШ Халқаро тараққиёт агентлигининг (USAID) 10 га яқин лойиҳалари амалга оширилаётганлиги қайд қилинди.

Томонлар шунингдек, қуйидаги йўналишларда икки томонлама ҳамкорлик истиқболларини муҳокама қилдилар:

- таълим йўналишида: академик алмашинувларни кўпайтириш, вилоятимиздаги мактабларга АҚШдан тил эгаси бўлган мутахассисларни жалб этиш, олийгоҳларимизни замонавий адабиётлар билан таъминлаш;

- туризм йўналишида – вилоятдаги маданий мерос объектларини сақла ш ва реставрация қилишда ҳамкорлик қилиш;

- халқаро алоқалар йўналишида: АҚШнинг шаҳарлари билан вилоятимизнинг шаҳар (туманлари) ўртасида биродарлик алоқаларини ўрнатиш ва бошқа йўналишлар.

Маълумот учун, АҚШнинг Ўзбекистондаги элчиси Джонатан Хеник 2022 йил 15 ноябрдан ўз миссиясини бошлаган.

Мазкур ташриф элчининг лавозимга тайинланганидан кейинги вилоятларга дастлабки ташрифи ҳисобланади.