Айрим меваларни тез-тез истеъмол қилиш ортиқча вазн юзага келишига сабаб бўлиши мумкин. Бу ҳақда Россияда хизмат кўрсатган фан арбоби, Россия фанлар академияси мухбир аъзоси Владимир Хавинсон гапириб берди.
Унинг сўзларига қараганда, айниқса, банан, анжир ва узум кўп истеъмол қилиш ортиқча вазнни келтириб чиқариши мумкин.
“Организмга тушган глюкоза инсулин ишлаб чиқарилишига ҳам сабаб бўлади. Мазкур инсулин ортиқча глюкозани ёғга айлантиради ҳамда бунинг натижасида одамлар семиради”, дейди В. Хавинсон.
Мутахассис мазкур меваларни меъёрида истеъмол қилиш лозимлигини қайд этди, дейилади iz.ru сайтида.
Бирлашган Миллатлар Ташкилоти томонидан эълон қилинган янги ҳисоботга кўра, 2023 йили дунё бўйича беш ёшгача бўлган болалар ўлими 2015 йилга нисбатан 42 фоизга, ўлик туғилиш ҳолатлари эса 53 фоизга камайган.
Жаҳон соғлиқни сақлаш ташкилоти маълумотига кўра, ўтган йили дунё бўйича 10,8 миллион кишига туберкулёз ташхиси қўйилган. Улардан 1,25 миллион нафари касаллик оқибатида ҳаётдан кўз юмган.
