Қайд этилишича, Миллий тиббиёт маркази шифокорлари, жумладан, тажрибали трансплантолог Жасур Собиров бошчилигидаги жамоа беморни тўлиқ текширувдан ўтказиб, унга жигар трансплантацияси зарурлиги ҳақида қарор қабул қилган. Бироқ операцияга тайёргарлик жараёнида беморнинг аҳволи кескин ёмонлашиб, энцефалопатия сабабли кома ҳолатига тушиб қолган.
Бундай ҳолларда жарроҳлик амалиёти ўта хавфли ҳисобланади. Бир неча соат давом этган мураккаб операция муваффақиятли ўтказилган ва беморнинг ҳаёти сақлаб қолинган. Бемор бир сутка ичида онгига қайтган ва ўзини анча яхши ҳис қила бошлаган.
Беморнинг 25 ёшли қизи онаси учун донорлик қилган.
