Икки томонлама ҳамкорлик доирасида Қозон давлат тиббиёт университетининг бир гуруҳ талабаси Тошкент тиббиёт академиясининг Биотиббий технологиялар марказидаги Оптик, конфокал ва трансмиссион электрон микроскопия хамда цитогенетик ва молекуляр-генетик тадқиқотлар лабораториясида олиб борилаётган илмий тадқиқотлар жараёнида иштирок этди.
ТТАнинг 1-сонли даволаш факультети 5-курс талабаси хорижлик тенгдошларига юрак тўқимасининг ультраюпқаликдаги препарати тузилиши, уни махсус мослама ёрдамида трансмиссион электрон микроскопга жойлаштириш жараёнини кўрсатди.
Ускунада олинган микрофотографияларда мушак толалари ва митохондриялар ультратузилишининг яққол кўриниши хорижлик талабаларни ҳайратга солди.
