Айни пайтда Тошкент вилоятида 31 та IT марказлари ишлаб турибди. Энди уларнинг ҳаммасини умимий координатори сифатида IT парк фаолиятини бошламоқда.
Мазкур объект Муҳаммад ал-Хоразмий номидаги Тошкент ахборот технологиялари университетининг Нурафшон филиали ҳудудида жойлашди. Зойир Мирзаев бошчилигидаги вилоят фаоллари бинода яратилган шарт-шароитларни кўздан кечиришди.
Айтиш зарурки, бинода барча қулайликлар яратилган. Хоналарга замонавий мебель жиҳозлари, компьютер технологиялари ўрнатилган. Ошхона, дам олиш хоналари ҳам ташкил этилган. Вилоят маҳаллий бюджетидан 8 миллиард сўм маблағ ажратилиб, замонавий компьютерлар жамланмаси ва мебель жиҳозлари билан таъминланган.
Жами 6 гектар ер майдонида қурилган филиалда замонавий лабораториялар, коворкинг маркази ҳамда офис майдонлари жой олган. IT парк резидентлари ва ўрганувчилар учун соҳани чуқур ўрганиш, фаолият олиб боришга қулай шароит яратилган.
