Ўзбекистон Республикаси Президенти ёрдамчиси Саида Мирзиёева Россия Федерацияси ҳукумати раисининг ўринбосари Дмитрий Чернишенко билан учрашув ўтказди.
Учрашувда Ўзбекистон билан Россия ўртасидаги ҳамкорликни ривожлантиришнинг долзарб жиҳатлари юзасидан фикр алмашилди.
Ижтимоий соҳага ҳамда давлатлар раҳбарларининг учрашувларида эришилган келишувларни самарали амалга оширишга алоҳида эътибор қаратилди.
Таълим соҳасидаги унумли шериклик натижалари, хусусан, яқин келажакда Россиянинг яна бир олий таълим муассасаси – Бауман номидаги Москва давлат техника университети филиали очилиши мамнуният билан қайд этилди.
