2024 йил 10 октябрь куни соат 01:00 ларда Самарқанд шаҳар «Зулфия» маҳалласи ҳудудидан ўтувчи Буюк Ипак йўли кўчасида, ҳайдовчи "Range Rover" русумли автомобилини Буюк Ипак йўли кўчаси бўйлаб юқори тезликда бошқариб келиб, эътиборсизлиги оқибатида рўл бошқарувини йўқотиб ўзи билан бир йўналишда ҳаракатланиб кетаётган "Lacetti" русумли автомобилини орқа томонидан уриб юбориб, тўхтай олмасдан шу йўналишда йўл четида тўхтаб турган «Damas» русумли автомобилга келиб урилиб, ЙТҲ содир этган.

Оқибатда "Lacetti" русумли автомобиль ҳайдовчиси тан жароҳатлари олиб шифохонада вафот этган.

Ҳозирда ҳолат юзасидан Самарқанд шаҳри бўйича ИИО ФМБ ТБ томонидан жиноят иши қўзғатилиб дастлабки тергов ҳаракатлари олиб борилмоқда.