Кашфиёт ҳужайралар назоратсиз бўлинишини келтириб чиқарадиган ва ўсмалар пайдо бўлишига олиб келадиган, HER2 оқсилининг мутант версиясини таний оладиган антитаначаларни ишлаб чиқишга асосланган.
Дори воситаси фақат мутант оқсилга таъсир қилади, соғлом ҳужайралардаги нормал ҳолатдаги муқобилларига зиён етказмасдан қолдиради, бу эса ножўя таъсирлар хавфини камайтиради.
Антитаначаларни ишлаб чиқиш учун тадқиқотчилар табиий антитаначалар ишлаб чиқаришга тақлид қилувчи усулдан фойдаланишди, улар бир неча бор мутация ва саралаш жараёнидан ўтказилди. Мақсад мутант HER2ни оқсилнинг оддий версиясидан ажрата оладиган вариантларни ишлаб чиқариш эди, уларнинг ўхшашлиги туфайли авваллари бу жуда қийин жараён, деб ҳисобланган.
Саратон ҳужайраларини нишонга олишни кучайтириш учун тадқиқотчилар мутант HER2 билан боғланган ва бир вақтнинг ўзида саратон ҳужайраларини нобуд қилиш учун иммун Т-ҳужайраларини фаоллаштирадиган биспецифик Т-ҳужайра фаоллаштирувчисини ишлаб чиқишди. Сичқонлар устида ўтказилган тестлар ножўя таъсирларсиз ўсимта ўсишининг сезиларли даражада камайишини кўрсатди.
Тадқиқотчилар бошқа саратон мутацияларини даволаш учун антитаначаларни ишлаб чиқиш ва уларнинг хусусиятларини яхшилашни давом эттиришни режалаштирмоқда, деб хабар беради lenta.ru.
