Сирдарё вилояти ҳокимлиги хабарига кўра, сессияда вилоят ҳокими Ғофуржон Мирзаев иштирок этди.

Сессия ишида ташкилий масала кўриб чиқилди. Ботиржон Мирзақулов бошқа ишга ўтганлиги муносабати билан туман ҳокими лавозимидан озод этилди.

Туман ҳокими лавозимига шу кунгача Сирдарё вилояти Ички ишлар бошқармаси бошлиғининг жамоат тартибини сақлаш бўйича ўринбосари лавозимида ишлаб келган Фаррух Ўктамжонов тайинланди.

Фаррух Ўктамжонов 1985 йилнинг 19 сентябрида Сирдарё туманида туғилган. 2007 йилда Ўзбекистон Республикаси ИИВ Академиясини тамомлаган.