«Шаҳрисабз пазандачилик беллашуви» номи остида ўтказилган фестивалда 30 дан ортиқ ошпазлар ўз давлатларининг энг сара миллий таомларини тарихий майдондаги «Ҳунармандлар маркази» ҳудудида тайёрлаб тадбир иштирокчиларига тақдим этди.
ИҲТ Бош котиби Ҳусрав Нозири Туризм қўмитаси раиси Умид Шадиев ҳамроҳлигида ҳар бир давлат ошпазлари учун қурилган ўзига хос «ошхоналар»да бўлиб, таомларнинг тайёрланиши жараёнлари билан танишди ва уларни татиб кўриб, ошпазлар маҳоратига баҳо берди.
Гастрономик фестивалда барча ошпазлар нафақат халқаро тадбир иштирокчилари учун, балки маҳаллий аҳоли вакиллари учун ҳам кун давомида хизмат кўрсатди, деб хабар беради Туризм қўмитаси матбуот хизмати.
